ఆవేదన రగిలింది నాలో నేడు

నయనాల  మెరిసిన  హరివిల్లు  మాయమై 

కన్నీటి  తెరలు  కమ్మగా 

మాయమైన  ఆ  క్షణాన్ని  వెతుకుతుంటే   
ఆవేదన  రగిలింది  నాలో  నేడు....  

హృదయాన  విరిసిన  వసంతం   గ్రీష్మమై
మంటలు   చెలరేగగా 

మాయమైన   ఆ  వసంతాన్ని  వెతుకుతుంటే 
ఆవేదన  రగిలింది  నాలో  నేడు ......

పన్నీటి  పూల  జల్లులు  నిప్పురవ్వలై     
నన్ను  నిలువున  దహించగ
మాయమైన  ఆ  జల్లుల్ని  వెతుకుతుంటే 
ఆవేదన  రగిలింది  నాలో  నేడు.... .

గగనాన  విరగ  బూసిన  వెన్నెల
వేడి  సెగలు  గ్రక్కుతూ  మరిగిస్తుంటే 
మాయమైన  ఆ   వెన్నెలని  వెతుకుతుంటే  

ఆవేదన  రగిలింది  నాలో  నేడు..... 

వీచే  చల్లని  పైరగాలి  వడగాడ్పులై  

నన్ను  కాల్చుతుంటే  

మాయమైన  ఆ  ఛల్లదనాన్ని  వెతుకుతుంటే   

ఆవేదన  రగిలింది  నాలో  నేడు.....