సృష్టి జరిపేదే అమ్మ
నవమాసాలు మోసి..... కనేదే అమ్మ
నీవు గుండెల మీద తన్తుంటే.... ఆనందించేదే అమ్మ
నీకు కొసరి కొసరి గోరు ముద్దలు.....తినిపించేదే అమ్మ
నీ చేత తప్పటడుగులు వేయిస్తూ......సంతోషించేదే అమ్మ
నీవు తడబడి క్రింద పడితే..... తల్లడిల్లేదే అమ్మ
నీవు ముద్దు ముద్దు గా మాట్లాడుతుంటే..... మురిసిపోయేదే అమ్మ
నీ తప్పొప్పులు సరిదిదేదే అమ్మ.....అందుకే నీ మొదటి గురువు అమ్మ
నీ కష్టాలలో అండగా..... నిలిచేదే అమ్మ
నిన్ను కంటికి రెప్పలా....... కాపడుకునేదే అమ్మ
నీవు ప్రతి నిమిషం తప్పటడుగు వేయకుండా...... హెచ్చారించేదే అమ్మ
భగవంతుని కి మారుగా నీ ఎదుట......నిలిచిందే అమ్మ
ఆ దేవుడు కూడా పంచలేని........ ప్రేమే అమ్మ
ఆ దైవం కూడా అమ్మ ప్రేమకై పదే పదే జన్మిస్తుంటాడు
అందుకే ఆమె ఈ లోకానికే కాదు ఆ దైవానికే అమ్మ
వెన్న కన్నా సుతి మెత్తని ప్రేమ....... అమ్మ
పాల నురగ కన్నా తెల్లని ప్రేమ......... అమ్మ
వెన్నెల కన్నా చల్లని ప్రేమ......... అమ్మ
మకరందం కన్నా తీయని ప్రేమ...... అమ్మ
ఈ జగత్తులోని ప్రేమమయం........ అమ్మ
ఈ విశ్వంలోని అమృతమయం....... అమ్మ
ఆకాశాన్ని మూట కట్టవచ్చు
భూమిని చాపలా చుట్టవచ్చు
సప్త సముద్రాల లోతు ఎంతో కొలవవచ్చు
గగనంలోని నక్షత్రాలను లెక్కపెట్టవచ్చు
సూర్యుడిని అర చేత పట్టవచ్చు
గాలిని గుప్పెట ముయవచ్చు
కానీ..................
అమ్మ .. అమ్మ ప్రేమ వర్ణింపలేనివి
అమ్మ ప్రేమని యింకా వర్ణించాలని వుంది ......కానీ
నా భావాలూ నా మనసుకు నా భాషకు అందనంటున్నాయి.
ఈ కవిత నా మాతృ మూర్తి పాద పద్మలకు అర్పితం .......
